అక్కకు సపోర్ట్ చేస్తున్న బ్రదర్స్

విశ్వవిఖ్యాత నందమూరి తారక రామారావు గారి మనువరాలు స్వర్గీయ నందమూరి హరికృష్ణ కూతురు నందమూరి సుహాసిని తెలంగాణ లో జరిగే ఎన్నికల్లో పోటీ చేస్తున్న విషయం తెలిసిందే. కూకట్‌పల్లి నుంచి తెదేపా అభ్యర్థిగా నందమూరి సుహాసిని పోటీపై ఆమె సోదరులు కల్యాణ్‌రామ్‌, జూనియర్‌ ఎన్టీఆర్‌ స్పందించారు.

‘ప్రజలే దేవుళ్లు, సమాజమే దేవాలయం అనే సిద్ధాంతంతో మా తాతగారు స్వర్గీయ ఎన్టీఆర్‌ పార్టీని స్థాపించారు. తెదేపా మాకు ఎంతో పవిత్రమైనది. మా నాన్న హరికృష్ణ తెదేపాకు ఎనలేని సేవలందించారు. మా సోదరి సుహాసిని కూకట్‌పల్లి నుంచి పోటీ చేస్తున్న విషయం మీకు తెలిసిందే. సమాజంలో స్త్రీలు ఉన్నతమైన పాత్ర పోషించాలని నమ్మే కుటుంబం మాది. అదే స్ఫూర్తితో ప్రజాసేవకు సిద్ధపడుతోన్న మా సోదరికి విజయం వరించాలని ఆకాంక్షిస్తున్నాం. జై ఎన్టీఆర్‌. జోహార్‌ హరికృష్ణ.’ అని కల్యాణ్‌రామ్‌, ఎన్టీఆర్‌ పేర్కొన్నారు.