ఆంధ్రప్రదేశ్ రాష్ట్రలో కరోనా వైరస్ తాకిడి రోజు రోజుకు ఎక్కువ అవుతున్న సంగతి తెలిసిందే. ముఖ్యంగా నెల్లూరు జిల్లాలో వైరస్ మరింతగా ఉన్న నేపథ్యంలో తమ గ్రామాల్లోకి వేరే గ్రామాల ప్రజలు రావొద్దంటూ… లక్ష్మీపురం, కొత్తూరు, విడవలూరు ప్రజలు… ఎవరికి వాళ్లు కంచెలు వేసుకున్నారు. ఇలా కంచెలు వెయ్యడమేంటని… కొందరు వ్యతిరేకించారు. ఈ కంచె లొల్లి రాళ్లు దాడి వరకు వచ్చింది.
ఒక గ్రామం ప్రజలు మరో గ్రామానికి వస్తే… తమ గ్రామానికి వైరస్ సోకుతుందేమో అన్న ఉద్దేశంతో ఎవరికి వాళ్లు కంచెలు వేసుకున్నారు. తీరా గొడవ మొదలయ్యాక… అంతా అల్లకల్లోలం అయిపోయింది. విడివిడిగా ఉండాల్సిన ప్రజలు గుంపులు గుంపులుగా చేరి గొడవలు పెట్టుకోవడం తో రంగంలోకి దిగిన పోలీసులు వారిని పరుగులు పెట్టించారు.