ముంబై సముద్ర తీరాన్ని పలువురు బాలివుడ్ నటులు ఈ రోజు ఉదయం శుభ్రంచేశారు. ఇటీవల జరిగిన గణపతి నిమజ్జనాల నేపధ్యంలో సముద్ర తీరం వెంబడి భారీ ఎత్తున చెత్త, వ్యర్ధపదార్ధాలు పేరుకుపోయాయి. ఈ నేపధ్యంలో బాలీవుడ్ సీనియర్ నటులు అనుపమ్ ఖేర్, పరిణితి చోప్రా పలు స్వచ్ఛంద సంస్ధ నిర్వహుకులు, విద్యార్ధులు తీరం వెంబడి ఉన్న చెత్తను తీసి శుభ్రంచేశారు.
ఈ సందర్భంగా అనుపమ్ ఖేర్ మాట్లాడుతూ.. గణపతి ఉత్సవాలను ఎంతో ఉత్సాహంగా జరుపుకున్నామని.. అంతే ఉత్సహంగా తీర ప్రాంతాన్ని శుభ్రంచేసుకుంటున్నామని అన్నారు. ఈ కార్యక్రమంలో యువత ఎంతో ఉత్సాహంగా పాల్గొంటున్నారని.. ఇది తనకు ఎంతో సంతోషంగా ఉందని చెప్పారు.