మహేంద్ర సింగ్‌ ధోనీ అనే పేరును ఇండియన్స్‌కు ప్రత్యేకంగా పరిచయం చేయనక్కర్లేదు. క్రికెట్‌ అంటే తెలిసిన ప్రతి ఒక్కరికి కూడా ధోని గురించి తెలుసు. ఇండియాకు చిరస్మరనీయమైన విజయాలను అందించిన ధోనీ ప్రస్తుతం ఇండియన్‌ ఆర్మీలో విధులు నిర్వర్తిస్తున్న విషయం తెల్సిందే. ధోనికి ఆర్మీ గౌరవార్ధం లెఫ్టినెంట్‌ కల్నల్‌గా విధులు నిర్వర్తిస్తున్న ధోని ప్రస్తుతం కశ్మీర్‌లో ఉన్నాడు. అక్కడ భారీ ఉద్రిక్తతలు ఉన్నా కూడా ఆగస్టు 15 వరకు అక్కడే విధులు నిర్వర్తించాలని నిర్ణయించుకున్నాడు. ఎంతో మందికి ఆర్మీలో గౌరవంగా ఉద్యోగం ఇస్తారు. కాని చాలా మంది వెళ్లరు. కాని ధోని తనకు ఇచ్చిన విధులను కొన్నాళ్లయినా నిర్వర్తించే ఉద్దేశ్యంతో ప్రస్తుతం కశ్మీర్‌లో డ్యూటీ చేస్తున్నాడు.
తాజాగా కశ్మీర్‌లో ఒక చిన్న రూంలో ఉన్న ధోనీ తన షూస్‌ను తానే పాలీష్‌ చేసుకోవడంతో పాటు అతి సామాన్యమైన జీవితంను గడుపుతున్నాడు. సోషల్‌ మీడియాలో వైరల్‌ అవుతున్న ఈ ఫొటోలు మరియు వీడియోలు ఆయన క్రేజ్‌ను ఇంకా పెంచుతూనే ఉన్నాయి. తాజాగా ఆర్మీ జవాన్‌లను కాస్త ఎంటర్‌టైన్‌ చేసేందుకు ఒక పాటను కూడా పాడాడు. ధోనీ చాలా సీరియస్‌గా డ్యూటీ చేస్తూనే ఆర్మీ వారి కోసం పాట కూడా పాటడం ప్రస్తుతం సోషల్‌ మీడియాలో వైరల్‌ అవుతుంది. మొత్తానికి ధోనీ క్రికెట్‌తోనే కాకుండా ఇలా కూడా అభిమానులను ఫిదా చేస్తున్నాడు.
https://twitter.com/i/status/1157673418344452096
