శ్రీరామనవమి పండుగ సందర్భంగా రాష్ట్రపతి రామ్‌నాథ్‌ కోవింద్‌, ప్రధాని నరేంద్రమోడీ దేశ ప్రజలకు శుభాకాంక్షలు తెలిపారు. రామనవమి విశిష్టతను, భగవాన్ రాముడి ఔన్నత్యాన్ని వివరిస్తూ ట్వీట్ చేశారు. రాముడి జీవితం అందరికీ ఆదర్శమని, ప్రతి ఒక్కరూ విలువలు, ఓర్పు, సహనం, స్నేహభావాలను పెంపొందించుకోవాలనే సందేశాన్ని ఈ సందర్భంగా మోదీ ట్విటర్‌లో పోస్ట్‌ చేశారు. రాముడి జీవితాన్ని ఆదర్శంగా తీసుకుని అద్భుతమైన భారతదేశాన్ని నిర్మించునేలా ప్రతిజ్ఞ చేయాలంటూ ఆయన దేశ ప్రజలకు పిలుపునిచ్చారు.
శ్రీరామనవమి సందర్భంగా పలువురు నేతలు ట్విట్టర్ వేదికగా శుభాకాంక్షలు తెలిపారు. కేంద్రహోంమంత్రి రాజ్‌నాథ్‌సింగ్, ఢిల్లీ సిఎం అరవింద్ కేజ్రీవాల్, కాంగ్రెస్ ఉపాధ్యక్షుడు రాహుల్‌గాంధీ, పశ్చిమ్‌బంగా సిఎం మమతాబెనర్జీ, బిజెపి జాతీయ అధ్యక్షుడు అమిత్‌షా తదితరులు దేశ ప్రజలకు శ్రీరామనవమి శుభాకాంక్షలు తెలిపారు.