#కరోనా తీవ్రతను దేశ ప్రజలంతా అర్థం చేసుకున్నారని ప్రధాని మోదీ అన్నారు. నేడు భాజపా 40వ వ్యవస్థాపక దినోత్సవం సందర్భంగా కార్యకర్తలనుద్దేశించి మోదీ ప్రసంగించారు. కరోనా కట్టడికి ప్రతిఒక్కరూ తమ బాధ్యతలను నిర్వర్తించాలని కార్యకర్తలకు సూచించారు. మహమ్మారిని తరిమికొట్టేందుకు అందరం ఒక్కటవుదాం అని పిలుపునిచ్చారు.
మహమ్మారిపై పోరులో భారత్‌ ప్రపంచ దేశాలకు ఆదర్శంగా నిలిచిందన్నారు. నిన్న రాత్రి 9 గంటలకు లైట్లు ఆపి దేశ ప్రజలంతా దీపాలు వెలిగించి సంఘీభావాన్ని ప్రకటించిన విషయాన్ని గుర్తుచేశారు. 130 కోట్ల మంది ప్రజలు తమ సంకల్ప శక్తిని చాటారన్నారు.
