భారత ప్రధాని మోడీ హైదరాబాద్ పర్యటన ఖరారు అయ్యింది. గ్రేటర్ ఎన్నికల ప్రచారం లో భాగంగా..నవంబర్ 29న మోడీ హైదరాబాద్ లో పర్యటించబోతున్నారు. అయితే.. ప్రచారం ముగియడానికి కేవలం 50 నిమిషాల ముందు హైదరాబాద్ చేరుకోనున్న నరేంద్ర మోదీ.. ప్రచార పర్వం ముగిసిన పది నిమిషాలకే తిరుగు ప్రయాణం కానున్నారు.
నవంబర్ 29న సాయంత్రం 4.10 గం.లకు హైదరాబాద్ శివారులోని హకీంపేట విమానాశ్రయానికి రానున్న ప్రధాని.. అక్కడ్నించి 18 కిలోమీటర్ల దూరంలో వున్న భారత్ బయోటెక్ పరిశోధనా, తయారీ సంస్థకు చేరుకుంటారు. కరోనా వ్యాక్సిన్ రూపకల్పనకు సంబంధించిన పనితీరును పరిశీలించి, శాస్త్రవేత్తలతో సమీక్ష నిర్వహిస్తారు. ఆ తర్వాత సా. 5.10 గంటలకు నేరుగా హకీంపేటకు వెళ్ళి న్యూ ఢిల్లీకి తిరుగు పయనమవుతారు. అయితే యాదృచ్ఛికంగా అదే రోజు గ్రేటర్ ఎన్నికల ప్రచారానికి చివరి రోజు కావడంతో మోదీ పర్యటనపై అందరిలో ఆసక్తి ఏర్పడింది.
