మహాత్మా జ్యోతిబాఫూలే తెలంగాణ వెనుకబడిన తరగతుల సంక్షేమ గురుకుల విద్యాలయాల సంస్థ లోని జూనియర్ కాలేజీల్లో ఇంటర్ కోర్సుల ప్రవేశ పరీక్ష ఫలితాల రెండో జాబితాను http://mjptbcwreis.telangana.gov.in వెబ్ సైట్ లో అందుబాటులో ఉంచామని మహాత్మా జ్యోతిబాఫూలే తెలంగాణ వెనుకబడిన తరగతుల విభాగం సంస్థ కార్యదర్శి మల్లయ్య బట్టు వెల్లడించారు.
పరీక్ష ఫలితాలతో పాటు వారికి సీటు వచ్చిన కాలేజీ అడ్రస్, ప్రిన్సిపల్ నెంబర్ తో సహా వెబ్ సైట్ లో ఉందన్నారు. ఎంపికైన విద్యార్థులు నేటి(23వ తేదీ) నుంచి 28వ తేదీ వరకు కళాశాలలో చేరాలని ఆయన సూచించారు. రాష్ట్రవ్యాప్తంగా సోసైటీ పరిధిలో ఉన్న జూనియర్ కాలేజీల్లో రెగ్యులర్ కోర్సులో 5331, వృత్తి విద్యా కోర్సుల్లో 745 సీట్లు ఈ జాబితాలో భర్తీ చేస్తామని ఆయన తెలిపారు.
