సుదీర్ఘ కాలంపాటు లాన్‌డౌన్‌లో ఉన్న ఆస్ట్రేలియాలోని మెల్‌బోర్న్‌ నగరంలోనూ ప్రభుత్వం తాజాగా నిబంధనలను ఎత్తివేసింది. కేసులు తగ్గుముఖం పట్టడంతో లాక్‌డౌన్‌ నిబంధనలను పూర్తిస్థాయిలో తొలగిస్తున్నట్లు ఆదివారం ప్రకటించింది. దీంతో 9 నెలల (దాదాపు 262 రోజులు) సుదీర్ఘ లాక్‌డౌన్‌కు తెరపడింది. 50 లక్షల జనాభా కలిగిన మోల్‌బోర్న్‌లో గతేడాది మార్చి నుంచి ప్రభుత్వం ఆరుసార్లు లాక్‌డౌన్‌ విధించింది. దీంతో ప్రపంచంలోనే అత్యధిక రోజులు లాక్‌డౌన్‌లో ఉన్న నగరంగా మెల్‌బోర్న్‌ నిలిచింది.
