వీడియో : రాహుల్‌ గాంధీకి ముద్దు పెట్టేశాడు

సెలబ్రెటీలు జనాల్లోకి వెళ్లిన సమయంలో కొన్ని సార్లు వింత పరిస్థితులు ఎదుర్కొంటూ ఉంటారు. అలా సినిమా వారు, రాజకీయ నాయకులు జనాల మద్యలో ఉన్న సమయంలో షాక్‌కు గురైన సంఘటనలు చాలానే ఉంటాయి. అభిమానం అంటూ వచ్చే కొందరు చేసే పనులకు కొన్ని సార్లు చిరాకు అనిపిస్తే కొన్ని సార్లు ఆశ్చర్యం అనిపిస్తుంది. మరి కొన్ని సార్లు సంతోషం అనిపిస్తుంది. తాజాగా రాహుల్‌ గాంధీ కూడా అలాంటి అనుభవంను చవి చూశాడు.

ఇటీవల రాహుల్‌ గాంధీ కేరళ పర్యటనకు వెళ్లాడు. ఆ సందర్బంగా ఆయన్ను చూసేందుకు పెద్ద ఎత్తున కాంగ్రెస్‌ కార్యకర్తలు మరియు అభిమానులు అక్కడకు చేరుకున్నారు. అయితే రాహుల్‌ గాంధీ అందరితో కలిసి పోయి అక్కడ పర్యటించాడు. ఆ తర్వాత కారులో వెళ్లి పోతున్న సమయంలో ఒక అభిమాని దగ్గరకు వెళ్లి రాహుల్‌ గాంధీని ముద్దు పెట్టుకున్నాడు. ఈ చర్యను ఊహించని రాహుల్‌ గాంధీ కొన్ని సెకర్లు బిత్తరపోయి ఆ తర్వాత తేరుకున్నాడు. ప్రస్తుతం ఈ వీడియో సోషల్‌ మీడియాలో వైరల్‌ అవుతోంది.