రాహుల్ గాంధీ వల్లే లోక్ పాల్ సాధ్యమైందని నొక్కివక్కానించారు. అయితే, ఈ సారి కొంచెం డిఫరెంట్ గా భజన ప్రజెంటేషన్ ఇచ్చారు. అందుకు.. రాహుల్ గతకొద్దికాలంగా.. లోక్ పాల్ విషయంలో అవినీతి వ్యతిరేక ఉద్యమకారుడు అన్నాహజారే తో జరిపిన ఉత్తర-ప్రత్యుత్తరాలను విడుదల చేశారు. ఇందులో..రాహుల్-అన్నాహజారే ఒకరినొకరు పొగడ్తలతో ముంచెత్తుకోవడం విశేషం.
‘అవినీతి వ్యతిరేక లోక్‌పాల్ బిల్లు విషయంలో మీ చిత్తశుద్ధిని అభినందిస్తున్నానంటూ హజారే… ‘బిల్లు విషయంలో మీ పాత్ర గౌరవనీయం. ఆ విషయంలో మీరిచ్చిన మద్దతుకు కృతజ్ఞులం’ అంటూ రాహుల్ ఒకరిపై ఒకరు లేఖల ద్వారా పొగడ్తల వర్షం కురిపించారు. లోక్‌పాల్ బిల్లును రాజ్యసభ ఆమోదించిన మంగళవారం రోజే ఆ లేఖలను కాంగ్రెస్ విడుదల చేసింది. హజారే తన లేఖ ప్రతినిప్రధాని మన్మోహన్‌సింగ్‌కు కూడా పంపించారు.
కాంగ్రెస్ నేతల భజనలతో భవిష్యత్ లో రాహుల్ గాంధీ ఖాతాలో క్రెడిట్ మాత్రమే వుంటుందేమో.. ! ఎందుకంటే.. పరువుపోతే.. పార్టీ ఖాతాలో కదా పడేది. మరీ.. వచ్చే సాధారణ ఎన్నికల్లో పరువుపోతే.. వేయడానికి ఎవరి ఖాతా వుండదంటున్నారు
రాజకీయ విశ్లేషకులు. మొత్తానికి రాహుల్.. రాహుల్.. అంటూ.. రాజ్యసభలో లోక్ పాల్ ను గట్టెక్కించారు. ఇక మిగిలింది లోక్ సభనే..