హైటెక్ సిటీ రైల్వే స్టేషన్ వద్ద రూ.66.59 కోట్ల తో నిర్మించిన ఆర్.యు.బి ని రాష్ట్ర మున్సిపల్ శాఖ మంత్రి కె.టి.రామా రావు ప్రారంభించారు. దాదాపు 410 మీటర్ల పొడవు, 20 .60 మీటర్ల వెడల్పు కలిగిన ఈ ఆర్.యూ.బి ప్రారంభంతో తీవ్రమైన ట్రాఫిక్ కలిగిన హై-టెక్ సిటీ ఎం.ఎం.టి.ఎస్. రైల్వే స్టేషన్ మార్గంలో ఏవిధమైన అవాంతరాలు లేకుండా ట్రాఫిక్ వెళ్లే అవకాశం ఏర్పడింది.
హై -టెక్ సిటీ ఎం.ఎం.టి.ఎస్. రైల్వే అండర్ బ్రిడ్జి ప్రారంభం కావడం ఈ ప్రాంత వాసులకు మరింత వెసులుబాటు అయింది. ఈ ప్రారంభోత్సవ కార్యక్రమంలో కార్మిక శాఖ మంత్రి మల్లారెడ్డి, మేయర్ గద్వాల్ విజయలక్షి. ఎమ్మెల్యే మాధవరం కృష్ణారావు, ఎమ్మెల్సీ నవీన్ రావు, డిప్యుటీ మేయర్ మోతె శ్రీలత రెడ్డి, జీహెచ్ఎంసి కమీషనర్ లోకేష్ కుమార్ తదితరులు పాల్గొన్నారు.
