తెలంగాణ వ్యాప్తంగా తీవ్ర ఉత్కంఠ రేపిన దుబ్బాక ఉప ఎన్నికలో బిజెపి స్వల్ప తేడాతో తెరాస ఫై విజయం సాధించింది. బీజేపీ అభ్యర్థి మాధవనేని రఘునందన్‌రావు తన సమీప ప్రత్యర్థి టీఆర్‌ఎస్ చెందిన సోలిపేట సుజాతపై 1,118 ఓట్లతో గెలుపొందారు.
ఈ విజయం ఫై కేటీఆర్ మీడియా తో మాట్లాడుతూ..దుబ్బాక ఫలితం తాము ఆశించిన విధంగా రాలేదని అన్నారు. ఆ స్థానంలో ప్రజలు ఇచ్చిన తీర్పే తమకు శిరోధార్యం అని అన్నారు. భవిష్యత్తు కార్యాచరణ ప్రకారం తమ పని తాము చేసుకుంటూ ముందుకెళ్తామని చెప్పారు. ఒక రకంగా ప్రజలు ఇచ్చిన ఈ తీర్పు తమకు, తమ పార్టీ నేతలకు ఓ హెచ్చరిక లాంటిదని అన్నారు. తప్పకుండా ఈ తీర్పును సమీక్షించుకుంటామని అన్నారు. దుబ్బాకలో టీఆర్ఎస్‌కు ఓటు వేసిన 60 వేల పైచిలుకు ప్రజలందరికీ పేరుపేరునా ధన్యవాదాలు తెలిపారు.
‘‘ఈ ఆరేళ్లలో ఎన్నో విజయాలను మేం గెల్చుకున్నాం. ఇప్పుడు ఫలితం మాకు అనుకూలంగా రాలేదు. ఈ ఓటమి మా పార్టీ నేతలకు ఓ అప్రమత్తత లాంటిది. మేం ఏం తప్పులు చేశామో కూర్చొని సమీక్షించుకుంటాం. ఈ తీర్పును తప్పకుండా సమీక్షించుకుంటాం. పార్టీ గెలుపుకోసం అహర్నిశలు శ్రమించిన కార్యకర్తలకు అభినందనలు. ఎప్పుడూ విజయాలకు గర్వపడం. అపజయాలకు కుంగిపోము.’’ అని కేటీఆర్ అన్నారు.