తెలంగాణలో జిల్లాల పర్యటనలో భాగంగా నిన్న సిద్దిపేట, కామారెడ్డి లో పర్యటించారు. ఈ రోజు వరంగల్ లో పర్యటన చేసారు. వరంగల్ పర్యటనకు వచ్చిన సీఎం కేసీఆర్ కాన్వాయ్‌ను అడ్డుకునేందుకు కొందరు కేయూ విద్యార్థులు ప్రయత్నించారు. ‘కేసీఆర్ ఖబడ్దార్‌’ అంటూ నినాదాలు చేశారు. ఉద్యోగ నోటిఫికేషన్లు విడుదల చేయాలని డిమాండ్ చేశారు. వారిని పోలీసులు అదుపులోకి తీసుకున్నారు.
సీఎం కేసీఆర్ వరంగల్ పర్యటన ఖరారు కాగానే కేయూ విద్యార్థి నాయకులను పోలీసులు గృహ నిర్బంధంలో ఉంచారు. ఉద్యోగాలు ఇవ్వడం లేదంటూ ఇటీవల కేయూ విద్యార్థి ఆత్మహత్య చేసుకున్నాడు. అప్పటి నుంచి విద్యార్థులు ఆగ్రహంతో ఉన్నారు. ఇటీవల కేటీఆర్ వరంగల్ వచ్చినప్పుడు కూడా విద్యార్థులు ఆందోళన నిర్వహించారు.
