తెరాస అధినేత కేసీఆర్ కాంగ్రెస్ సీనియర్ నేత కె. కేశవరావుతో పాటుగా ముగ్గురు కాంగ్రెస్ ఎంపీలతో.. తన ఫాంహౌజ్ లో నిన్న భేటీ అయిన సంగతి తెలిసిందే. అయితే, ఈ నలుగురు జంప్ జలానీలకు.. కేసీఆర్ పదవులు, టిక్కెట్ల విషయంలో స్పష్టమైన హామి ఇచ్చినట్లు తెలుస్తోంది. టీ-కాంగ్రెస్ ఎంపీలు మంద జగన్నాథం, వివేక్, రాజయ్యలకు మరియు కాంగ్రెస్ సీనియర్ నేత కేశవరావులకు టికెట్ల విషయంలోనే కాకుండా.. వారి రాజకీయ వారసులకు ఈ భేటీలో కేసీఆర్ నుంచి హామి లభించినట్లు సమాచారం. అనుకున్నది అనుకున్నట్లు జరిగితే ఈ నలుగురు కూడా జూన్ 3న గులాబి గూటికి చేరే అవకాశం ఉన్నట్లు సమాచారం. ఏఐసీసీ అధికార ప్రతినిధి చాకో తెలంగాణ అంశంపై చేసిన వ్యాఖ్యల నేపథ్యంలో.. తెలంగాణ కాంగ్రెస్ ఎంపీలు ఈనెల 30వరకు అధిష్టానానికి డెడ్ లైన్ విధించిన విషయం తెలిసిందే.
