హెలిక్యాప్టర్ ల్యాండ్ కావాల్సిన ప్రాంతాన్ని పైలట్ సులువుగా గుర్తించడం కోసం.. అక్కడ హెలిప్యాడ్కి సమీపంలోనే కొద్దిగా నిప్పురాజేసి పొగపెట్టారు. అయితే సరిగ్గా హెలీక్యాప్టర్ ల్యాండ్ అవుతున్న సమయంలోనే ప్రొపెల్లర్ నుంచి అధికంగా గాలి వీయడంతో ఆ చిన్న నిప్పు కాస్తా మంటలుగా మారి అక్కడున్న ఎండు గడ్డి అంటుకుంది. క్షణాల్లోనే మంటలు హెలిప్యాడ్ వైపు వ్యాపించాయి. ఆ మంటలకు సమీపంలోనే సీఎం హెలిక్యాప్టర్ ల్యాండ్ అవుతుండటంతో ఒక్కసారిగా అధికారుల వెన్నులో వణుకుపుట్టింది. వెంటనే అప్రమత్తమైన భద్రతా సిబ్బంది.. నీళ్లుజల్లి మంటల్ని అదుపులోకి తీసుకురావడంతో అధికారులు హమ్మయ్య అని ఊపిరి పీల్చుకున్నారు.