నల్గొండ –వరంగల్ – ఖమ్మం పట్టభద్రుల నియోజకవర్గం నుంచి ఎమ్మెల్సీగా గెలిచిన డాక్టర్ పల్లా రాజేశ్వర్ రెడ్డి గారు ప్రగతి భవన్ లో ముఖ్యమంత్రి శ్రీ కేసీఆర్ గారిని మర్యాదపూర్వకంగా కలిశారు. ఈ సందర్భంగా రాజేశ్వర్ రెడ్డి గారిని సీఎం కేసీఆర్ గారు అభినందించి శాలువాతో సత్కరించారు. రాజేశ్వర్ రెడ్డి గెలుపు కోసం క్షేత్రస్థాయిలో పనిచేసిన టీఆర్ఎస్ పార్టీ నాయకులను, కార్యకర్తలను ముఖ్యమంత్రి అభినందించారు. ఈ కార్యక్రమంలో మంత్రులు శ్రీ ఎర్రబెల్లి దయాకర్ రావు, శ్రీ జగదీష్ రెడ్డి, శ్రీ పువ్వాడ అజయ్ కుమార్, శ్రీ నిరంజన్ రెడ్డి, శ్రీ శ్రీనివాస్ గౌడ్ తదీతరులు పాల్గొన్నారు.
