ప్రస్తుతం కరోనా వైరస్ కారణంగా చాలామంది సకాలంలో రక్తం దొరకక ఇబ్బంది పడుతున్నారు. అలాగే సోషల్ మీడియా లోను కొంతమంది కరోనా సమయంలో రక్తదానం చేయడం వల్ల ప్రమాదం అని ప్రచారం చేయడం వల్ల చాలామంది రక్తం ఇచ్చేందుకు వెనకడుగు వేస్తున్నారు.
ఈ సమయంలో సినీ , రాజకీయ ప్రముఖులు రక్తదానం చేస్తూ పుకార్లకు చెక్ పెడుతున్నారు. ఇప్పటికే చిరంజీవి , కేటీఆర్ వంటి స్టార్స్ రక్తదానం చేయగా ఈరోజు తెలంగాణ జాగృతి అధ్యక్షురాలు మాజీ ఎంపీ కల్వకుంట్ల కవిత రక్తదానం చేసింది. టీఆర్ఎస్ పార్టీ 20వ ఆవిర్భావ దినోత్సవం సందర్భంగా ఆ పార్టీ వర్కింగ్ ప్రెసిడెంట్, మంత్రి కేటీఆర్ పిలుపు మేరకు హైదరాబాద్‌లోని తన నివాసంలో రక్తదానం చేశారు. రక్తదానం అత్యవసర పరిస్థితుల్లో ప్రాణాలు నిలబెడుతుందన్నారు. తలసేమియా, ఇతర అత్యవసర చికిత్సలకు సాయం అందించేందుకు రక్తదానం చేసినట్టు చెప్పారు. సమాజ సేవలో ఎల్లప్పుడూ ముందుండు టీఆర్ఎస్ కార్యకర్తలు, వీలైనంత ఎక్కవగా రక్తదాన కార్యక్రమాలు నిర్వహించాలని కవిత పిలుపునిచ్చారు.
