కశ్మీర్ లో మరోసారి భారీ ఎన్‌కౌంటర్ చోటు చేసుకుంది. దక్షిణ కశ్మీర్‌లోని కుల్గామ్‌లో శనివారం జరిగిన ఎదురుకాల్పుల్లో నలుగురు ఉగ్రవాదులు హతం కాగా.. ఆదివారం కెరాన్ సెక్టార్‌లో మరో ఐదుగురు ఉగ్రవాదులను భారత దళం మట్టుపెట్టింది. ఈ ఘటనలో ఓ జవాన్ కూడా ప్రాణాలు కోల్పోయాడు.
కుల్గామ్‌లో హిజ్బుల్ ముజాయిద్దీన్‌కు చెందిన నలుగురు ఉగ్రవాదులు హతమయ్యారు. ఆదివారం తెల్లవారుజామున కెరాన్ సెక్టార్‌లో ఉగ్రవాదులు చొరబాటుకు ప్రయత్నించారు. దీంతో అప్రమత్తమైన సైన్యం ముష్కరుల చర్యలను సమర్ధంగా తిప్పికొట్టింది.
ఈ క్రమంలో భద్రతా దళాలు, ఉగ్రవాదులకు మధ్య కాల్పులు చోటుచేసుకున్నాయి. ఈ కాల్పుల్లో ఓ జవాన్ కూడా ప్రాణాలు కోల్పోగా, ఒరో ఇద్దరు గాయపడ్డారు. ఆపరేషన్ ఇంకా కొనసాగుతున్నట్టు అధికారులు తెలిపారు.