ఈ సందర్భంగా కాపు నేతలను ఉద్దేశించి పిసిసి అద్యక్షుడు బొత్స సత్యనారాయణ మాట్లాడారు. ఈ సమస్య చాలాకాలంగా పెండింగులో ఉందని,కేంద్ర మంత్రి చిరంజీవి కూడా దీనిపై కృషి చేస్తున్నారని అన్నారు.ఈ నెల 10 లోగా సీఎం, ఇతర మంత్రులు, ఎమ్మెల్యేలతో చర్చించి సమస్య పరిష్కారానికి ప్రయత్నిస్తామని హామి ఇచ్చారు.
అయితే కాపులను బిసి లలో కలిపే ప్రతిపాదనను బిసి నేతలు వ్యతిరేకిస్తున్నారు. ఇది వివాదాస్పద అంశంగా ఉండడంతో కాంగ్రెస్ ముందుకు వెళ్లలేకపోయింది. రానున్న ఎన్నికల్లో కాంగ్రెస్ కు ఇది ఇబ్బంది పెట్టె అంశమే. వచ్చే ఎన్నికలలో ఇది ప్రధాన అంశం అయ్యే అవకాశం వుంది.