ఆంధ్రప్రదేశ్ రాష్ట్రంలో కరోనా వైరస్ వేగంగా విస్తరిస్తోంది. ఆదివారం ఉదయం 9 గంటల నుంచి సోమవారం ఉదయం 9 గంటల వరకు 793 కేసులు నిర్ధారణ కాగా.. వీరిలో ఏపికి చెందినవారు 706 మంది, ఇతర రాష్ట్రాల నుంచి వచ్చినవారు 81 మంది, విదేశాల నుంచి వచ్చినవారు ఆరుగురు ఉన్నారు. అలాగే సోమవారం రాష్ట్రంలో 11 మంది కరోనాకు బలయ్యారు. దీంతో రాష్ట్రంలో కరోనా వైరస్ కేసుల సంఖ్య 13,891కి చేరింది. అలాగే రాష్ట్రంలో కరోనా మరణాలు 180కి చేరాయి.
ఇప్పటి వరకూ రాష్ట్రవ్యాప్తంగా కరోనా వైరస్ నుంచి 6,232 మంది కోలుకోగా.. వివిధ ఆస్పత్రుల్లో 7,479 మంది చికిత్స పొందుతున్నారు.పశ్చిమ గోదావరిలో అత్యధికంగా 113 మందికి వైరస్ నిర్ధారణ కాగా.. తర్వాత గుంటూరు 98, అనంతపురం 96, కర్నూలు 86, తూర్పు గోదావరి 72, కడప 71, చిత్తూరు 56, కృష్ణా 52, ప్రకాశం 26, నెల్లూరు 24, విశాఖపట్నం 11, విజయనగరం 1 చొప్పున కేసులు నమోదయ్యాయి.