భారత వాయుసేన కొత్త దళపతిగా ఎయిర్ మార్షల్‌ VR చౌధరిని నియమించాలని కేంద్రం నిర్ణయించింది. ప్రస్తుతం వైమానిక దళ ఉపాధ్యక్షుడిగా ఉన్న ఆయన్ను తదుపరి చీఫ్‌గా నియమించనున్నట్లు రక్షణశాఖ ప్రకటించింది. ప్రస్తుతం వైమానిక దళాధిపతిగా కొనసాగుతున్న RKS భదౌరియా ఈ నెల 30న పదవీ విరమణ చేయనున్నారు. ఈ నేపథ్యంలో కొత్త చీఫ్‌గా చౌధరిని నియమిస్తున్నట్టు రక్షణశాఖ పేర్కొంది.
ఎయిర్ మార్షల్‌ చౌధరి 1982 డిసెంబర్‌ 29న భారత వాయుసేనలోకి ప్రవేశించారు. పలు రకాల ఫైటర్‌ జెట్‌లతో పాటు ట్రైనర్‌ ఎయిర్‌క్రాఫ్ట్‌లలో 3800 గంటలకుపైగా ప్రయాణించిన అనుభవం ఆయనకు ఉందని వాయుసేన ఓ ప్రకటనలో వెల్లడించింది.