దేశం లో కరోనా డెందవ దశ నెమ్మదిగా తగ్గుముఖం పడుతుంది. గత 24 గంటల్లో దేశ వ్యాప్తంగా కొత్తగా 60,741 కరోనా కేసులు నమోదయ్యాయి. దీంతో దేశ వ్యాప్తంగా ఇప్పటి వరకు మొత్తం 2,95,70,881 కేసులు నమోదు కాగా, ఇందులో 2,82,80,472 మంది కోలుకొని డిశ్చార్జ్ అయ్యారు. 9,13,378 కేసులు యాక్టివ్ గా ఉన్నాయి. తాజా బులెటిన్ ప్రకారం దేశ వ్యాప్తంగా గత 24 గంటల్లో కరోనాతో 2726 మంది మృతి చెందారు. దీంతో ఇప్పటి వరకు నమోదైన మొత్తం కరోనా మరణాల సంఖ్య 3,77,031 కి చేరింది. దేశ వ్యాప్తంగా గత 24 గంటల్లో 1,17,525 మంది డిశ్చార్జ్ అయ్యారని ప్రకటనలో తెలిపారు.
