దేశం లో కరోనా రెండవ దశ నెమ్మదిగా తగ్గుముఖం పడుతుంది. గత 24 గంటల్లో దేశ వ్యాప్తంగా కొత్తగా 54,069 కరోనా కేసులు నమోదయ్యాయి. దీంతో దేశ వ్యాప్తంగా ఇప్పటి వరకు మొత్తం 3,00,82,778 కేసులు నమోదు కాగా, ఇందులో 2,90,63,740 మంది కోలుకొని డిశ్చార్జ్ అయ్యారు. 6,27,057 కేసులు యాక్టివ్ గా ఉన్నాయి. తాజా బులెటిన్ ప్రకారం దేశ వ్యాప్తంగా గత 24 గంటల్లో కరోనాతో 1,321 మంది మృతి చెందారు. దీంతో ఇప్పటి వరకు నమోదైన మొత్తం కరోనా మరణాల సంఖ్య 3,91,981 కి చేరింది. దేశ వ్యాప్తంగా గత 24 గంటల్లో 68,885 మంది డిశ్చార్జ్ అయ్యారని ప్రకటనలో తెలిపారు.
