హైదరాబాద్ నగరవాసులకు హైదరాబాద్ మెట్రో దసరా ఆఫర్ ప్రకటించింది. మెట్రో సువర్ణ ఆఫర్ పేరిట సరికొత్త ఆఫర్ ను తీసుకొచ్చింది. మెట్రో సువర్ణ ఆఫర్ పేరుతో అప్ టు 40 శాతం వరకూ క్యాష్ బ్యాక్ ఆఫర్స్‌ను ప్రయాణికులకు అందిస్తున్నట్లుగా హైదరాబాద్ మెట్రో రైలు ఎండీ ఎన్వీఎస్‌ రెడ్డి తెలిపారు.
శనివారం (అక్టోబరు 17) నుంచి ఈ నెలాఖరు వరకు ఛార్జీల్లో ఆఫర్లు వర్తిస్తాయని చెప్పారు. రేపటి నుంచి ఈ నెలాఖరు వరకు కింది రాయితీ వర్తింపు కొనసాగుతుందని అధికారులు వెల్లడించారు. వరదల వల్ల నగరంలో రోడ్లు దెబ్బతినడంతో ప్రయాణం కష్టంగా మారిందని.. ఈ క్రమంలోనే మెట్రోలో ప్రయాణాలకు ప్రోత్సహించాలనే ఉద్దేశంతో రాయితీలు ప్రకటించినట్లు వివరించారు.
ఇక ఆ రాయితీలు చూస్తే..
- స్మార్ట్ కార్డు ద్వారా 14 ట్రిప్పుల చార్జీతో… 30 రోజుల్లో 20 ట్రిప్పులు తిరిగే అవకాశం
- 20 ట్రిప్పుల చార్జీతో… 45 రోజుల్లో 30 ట్రిప్పులు తిరిగే అవకాశం
- 40 ట్రిప్పుల చార్జీతో … 60 రోజుల్లో 60 ట్రిప్పులు తిరిగే అవకాశం
- టీ సవారీ మొబైల్‌ అప్లికేషన్‌ ద్వారా నవంబరు 1 నుంచి..
- 14 ట్రిప్పులకు ఛార్జీ చెల్లిస్తే ..45 రోజుల్లో 30 ట్రిప్పులు తిరిగే అవకాశం
- 20 ట్రిప్పులకు ఛార్జీ చెల్లిస్తే … 45 రోజుల్లో 30 ట్రిప్పులు తిరిగే అవకాశం
- 30 ట్రిప్పులకు ఛార్జీ చెల్లిస్తే … 45 రోజుల్లో 45 ట్రిప్పులు తిరిగే అవకాశం
- 40 ట్రిప్పులకు ఛార్జీ చెల్లిస్తే … 60 రోజుల్లో 60 ట్రిప్పులు తిరిగే అవకాశం కల్పించారు.
