తెలంగాణ రాష్ట్ర వ్యాప్తంగా హుజురాబాద్ ఉప ఎన్నికల పైనే చర్చ నడుస్తుంది. ఈటెల రాజీనామా తో ఇక్కడ ఉప ఎన్నికలు జరగబోతున్నాయి. తెరాస ను వీడి బిజెపి లో చేరిన ఈటెల..బిజెపి నుండి ఎలాగైనా గెలిచి కేసీఆర్ కు బుద్ది చెప్పాలని చూస్తున్నారు. అయితే తెరాస నుండి ఈటెల కు పోటీగా ఎవర్ని బరిలోకి దింపుతారా అనే ఆసక్తి తెరపడింది. టీఆర్‌ఎస్‌ విద్యార్థి విభాగం అధ్యక్షుడిగా ఉన్న గెల్లు శ్రీనివాస్‌..హుజురాబాద్ ఉప ఎన్నికల బరిలో తెరాస నుండి దిగుతున్నట్లు ఖరారు అయ్యింది. ఈ నెల 16న హుజూరాబాద్‌లో నిర్వహించే బహిరంగ సభలో గెల్లు శ్రీనివాస్‌ యాదవ్‌ను నియోజకవర్గ ప్రజలకు సీఎం పరిచయం చేయనున్నారు.