కాంగ్రెస్ మాజీ ఎంపీ సజ్జన్ కుమార్ కు ఢిల్లీ హైకోర్టు నోటీసు జారీ చేసింది. 1984 సిక్కుల ఊచకోత కేసులో సజ్జన్ కు క్లీన్ చిట్ ఇవ్వడాన్ని సవాలు చేస్తూ సీబీఐ పిటిషన్ దాఖలు చేసింది. ఈ పిటిషన్ ను విచారించిన కోర్టు ఈ రోజు ఆయనకు నోటీసు పంపింది. దీనిపై తన స్పందనను తెలియజేయాలని జస్టిస్ జీఎస్ సిస్తాని, జీపీ మిట్టల్ ఆధ్వర్యంలోని బెంచ్ సజ్జన్ ను ఆదేశించింది. తదుపరి విచారణను ఆగస్టు 27కి వాయిదా వేసింది.
