ప్రాణం అంటే ఎవరికీ లెక్క లేకుండా పోతుంది..వారి ప్రాణాలే కాదు పక్కనున్న వ్యక్తి ప్రాణాలు పోతున్న కనీసం అయ్యో పాపం అని కాపాడడం కూడా చేయడం లేదు. తాజాగా హైదరాబాద్ లో ఇలాంటి ఘటనే చోటుచేసుకోగా దానిని సైబర్ పోలీసులు షేర్ చేసారు.
తుర్కపల్లి, శామీర్పేట్ వద్ద ఒక ద్విచక్ర వాహనదారుడు వేగంగా వచ్చి కంట్రోల్ కాక ముందు వెళుతున్న లారీ ని ఢీ కొట్టాడు. తీవ్రగాయాలతో అక్కడే రోడ్డు పై పడిపోయాడు. చాలాసేపు మెయిన్ రోడ్డుపైనే గాయాలతో కొట్టుమిట్టాడుతుంటాడు. అక్కడికి కొద్ది దూరంలో కొంతమంది వ్యక్తులు ఈ ప్రమాదాన్ని చూసారు కానీ ఆ వ్యక్తిని కాపాడటానికి ఒక్కరు కూడా ముందుకు రాలే. కనీసం రోడ్డు పక్కకు తీసుకురావడానికి కూడా ప్రయత్నించాలే. అంబులెన్స్‌కి ఫోన్ చేద్దామన్నా ధ్యాసకూడా లేకుండా ప్రవర్తించారు. దీంతో ఆ యువకుడు రోడ్డుపైనే ఉండటంతో ఒకటి రెండు వాహనాలు అతడి పక్కనుంచి వెళ్లాయి కానీ ఒక కారు వేగంగా వచ్చి అతడి పై నుంచి వెళ్లింది. దీంతో ఆ యువకుడు అక్కడికక్కడే మరణించాడు. ప్రస్తుతం ఈ వీడియో వైరల్ మారింది. ఈ వీడియోను షేర్ చేసిన సైబరాబాద్ ట్రాఫిక్ పోలీసులు దయచేసి ప్రమాదంలో గాయపడినవారిని కాపాడండని పిలుపునిచ్చారు. అలా చేయడం వల్ల ఆ వ్యక్తిని మాత్రమే కాకుండా ఓ కుటుంబాన్ని నిలబెట్టినవారవుతారని సూచించారు. https://www.youtube.com/embed/QJkrHcFVvVc