కమెడియన్ , క్యారెక్టర్ ఆర్టిస్ట్ , నిర్మాత బండ్ల గణేష్ అంటే తెలియని వారుండరు..2019 ఎన్నికల ముందు కాంగ్రెస్ లో చేరి నానా హంగామా చేశాడు. తెలంగాణలో కాంగ్రెస్ గెలవకపోతే సెవన్ ఓ క్లాక్ బ్లేడ్ తీసుకొని గొంతు కోసుకుంటానంటూ సవాల్ చేసి..వార్తల్లో నిలిచాడు. ఇప్పటికీ బండ్ల గణేష్ అంటే సెవన్ ఓ క్లాక్ బ్లేడ్ అంటారు. అప్పటి నుండి నిత్యం అయన ఫై కామెంట్స్ వస్తున్న నేపథ్యంలో తాజాగా మరోసారి తన ట్విట్టర్ లో నేను జోకర్ కాదు ఫైటర్ అంటూ భారీ పోస్ట్ పెట్టాడు.
”నేను జోకర్‌ని కాదు.. ఫైటర్‌ని.. కానీ ప్రస్తుతం ఎలాంటి రాజకీయ పార్టీలో ఉండదలచుకోలేదు. ఆల్ ది బెస్ట్” అంటూ ఎమ్మెల్సీ కవితను ట్యాగ్ చేస్తూ ట్వీట్ చేశాడు. ఈ కామెంట్ ఇప్పుడు సోషల్ మీడియాలో వైరల్ అవుతోంది. ఇటీవల ఎన్నికల ప్రచారంలో భాగంగా టీఆర్ఎస్ నిర్వహించిన ఓ సమావేశంలో ఎమ్మెల్సీ కవిత పాల్గొన్నారు. ఆ సందర్భంలో బండ్ల గణేష్ పేరు ప్రస్తావిస్తూ.. ‘‘గత సంవత్సరం బండ్ల గణేష్ చేసిన కామెడీలా… ఈ సంవత్సరం బండి సంజయ్ చేస్తున్నారు’’ అంటూ మాట్లాడారు. ఆమె మాట్లాడిన ఆ వీడియో వీడియో వైరల్ అయ్యింది.
@RaoKavitha garu I am not a joker , I’m a fighter but I don’t want to be in any politics right now .
All the best ?— BANDLA GANESH. (@ganeshbandla) November 29, 2020