విద్యుత్ కొరతతో సతమతమవుతున్న తెలంగాణ ప్రజలకు శుభవార్త. అదనపు విద్యుత్ కోసం తెలంగాణ ప్రభుత్వం చేసిన ప్రయత్నాలు ఫలించాయి. 1000 మెగావాట్ల విద్యుత్ ను తెలంగాణకు సరఫరా చేసేందుకు ఛత్తీస్ గఢ్ ప్రభుత్వం అంగీకారం తెలిపింది. ఈ మేరకు ఛత్తీస్ గఢ్ ప్రభుత్వం నుంచి తెలంగాణ ప్రభుత్వానికి నిన్న అధికారికంగా లేఖ అందింది. దీంతో, దీనికి అవసరమైన విద్యుత్ లైన్స్ వేసుకోవడంలో టీసర్కార్ నిమగ్నమైంది.
