దివంగత సీఎం వైఎస్‌ రాజశేఖర్‌రెడ్డికి అత్యంత సన్నిహితుడిగా గుర్తింపు తెచ్చుకున్న కడప జిల్లా కమలాపురం మాజీ ఎమ్మెల్యే పేర్ల శివారెడ్డి (83) మరణించారు. కొంతకాలంగా అనారోగ్యంతో బాధపడుతున్న ఆయన ప్రొద్దుటూరులోని ఓ ప్రయివేట్‌ ఆస్పత్రిలో చికిత్స పొందుతూ చనిపోయారు.
కమలాపురం ఎమ్మెల్యే గా 1978-83 మధ్యకాలంలో స్వతంత్ర అభ్యర్థిగా ఎన్నికయ్యారు. మాజీ ముఖ్యమంత్రి దివంగత నేత వైఎస్‌ఆర్‌కు శివారెడ్డి అత్యంత సన్నిహితుడుగా పేరు సంపాదించారు. శివారెడ్డి మృతితో స్వగ్రామం ఎర్రగుంట్లలో విషాద ఛాయలు అలముకున్నాయి. ప్రొద్దుటూరులో సాయంత్రం 4గంటలకు అంత్యక్రియలు నిర్వహించనున్నట్లు బంధువులు తెలిపారు.
