ఇక రాష్ట్ర విభజనకు సంబంధించి కాంగ్రెస్ వర్కింగ్ కమిటీ (సీడబ్ల్యూసీ) నిర్ణయమే అంతిమమని కుండబద్దలు కొట్టారు. సీడబ్ల్యూసీ నిర్ణయాన్ని ముఖ్యమంత్రి కూడా పాటించాల్సిందేనని స్పష్టం చెప్పారు. భాగ్యనగరంలో నివసించే సీమాంధ్రుల భద్రతకు కేంద్ర ప్రభుత్వం హామీ ఇస్తుందని డిగ్గీ రాజా అన్నారు. దీనికితోడు, హైదరాబాద్ నగర పరిధిలోని సీమాంధ్రుల ఆస్తులు, ఉద్యోగాలకు పూర్తి భద్రత కల్పిస్తామన్నారు.
ప్రస్తుత పిసిసి పర్యవేక్షణలోనే రెండు తెలంగాణ,సీమాంద్రలకు ప్రాంతీయ కమిటీలను ఏర్పాటు చేయాలని ఆలోచిస్తున్నామని తెలిపారు. తెలంగాణ రాష్ట్ర సమితి అదినేత కె.చంద్రశేఖరరావు స్వయంగా తెలంగాణ ఇస్తే పార్టీని విలీనం చేస్తానని ప్రకటించారన్న సంగతిని డిగ్గి గుర్తు చేశారు. ఇక రెండు ప్రాంతాల మధ్య విభేదాలు రావడం విచారకరమని, వాటిని తగ్గించడానికి ప్రయత్నిస్తున్నానని అన్నారు. మరో పదిహేను రోజులలో తాను విశాఖపట్నం వెళుతున్నానని చెప్పుకొచ్చారు.తెలంగాణ బిల్లుపై కేవలం అబిప్రాయ సేకరణే మాత్రమే ఉంటుందని, ఓటింగ్ ఉండదని ఈ సందర్భంగా స్పష్టం చేశారు. ఇక ఇటీవల కాంగ్రెస్ పై, సోనియాపై తీవ్ర వ్యాఖ్యలు చేసిన జేసీ దివాకర్ రెడ్డి గురించి చెబుతూ…జెసి కి త్వరలోనే షోకాజ్ నోటీసు జారీ అవుతుందని తెలిపారు.