తెలంగాణ రాష్ట్రంలో కరోనా విలయతాండవం కొనసాగుతూనే ఉంది. ప్రజలు సైతం ముందువలే కరోనా అంటే భయపడకుండా చాల లైట్ తీసుకుంటున్నారు. గడిచిన 24 గంటల్లో రాష్ట్రంలో కొత్తగా 2,176 పాజిటివ్‌ కేసులు నమోదు కాగా 08 మంది మృతి చెందినట్లు తాజా హెల్త్ బులిటిన్ లో తెలిపారు. ఈ కేసులతో కలిపి రాష్ట్రంలో పాజిటివ్‌ కేసుల సంఖ్య 1,79,246కి చేరింది. ఇప్పటి వరకు 1070 మంది మృతిచెందారు.
ఇక జిల్లాలవారిగా చూస్తే.. అత్యధికంగా హైదరాబాద్‌ జీహెచ్‌ఎంసీలో 308 అత్యధికంగా ఉండగా.. రంగారెడ్డిలో జిల్లాలో 168, మేడ్చల్‌ మల్కాజ్‌గిరిలో 151, నల్గొండలో 136, కరీంనగర్‌లో 120, సిద్దిపేటలో 95, భద్రాద్తి కొత్తగూడెంలో 88, ఖమ్మంలో 86, సూర్యపేటలో 82 పాజిటివ్‌ కేసులు నిర్ధారణ అయ్యాయి.