ఏపీలో శనివారం ఎన్ని కరోనా కేసులు నమోదు అయ్యాయంటే..

ఆంధ్రప్రదేశ్ రాష్ట్రంలో కరోనా ఉదృతి కొనసాగుతూనే ఉంది. ప్రతి రోజు పదివేలకు అటుఇటుగా కేసులు నమోదు అవుతుండడం తో ప్రజలు బిక్కుబిక్కుమంటూ బ్రతుకుతున్నారు. శనివారం ఏకంగా 10 వేలు క్రాస్ అయ్యాయి.24 గంటల వ్యవధిలో ఏపీలో 10,276 కరోనా వైరస్ పాజిటివ్ కేసులు నమోదయ్యాయి. దీంతో కలిపి రాష్ట్రంలో కరోనా వైరస్ పాజిటివ్ కేసుల సంఖ్య 3,45,216కి పెరిగింది. అలాగే, 97 మంది కరోనా వైరస్ వల్ల మరణించారు.

ఇక కేసుల విషయానికి వస్తే..తూర్పుగోదావరి జిల్లాలో 1321, చిత్తూరు 1220, పశ్చిమగోదావరి 1033, అనంతపురం 1020 కరోనా కేసులు నమోదయ్యాయి. ఆ తర్వాత నెల్లూరు 943, కర్నూలు 850, గుంటూరు 719, ప్రకాశం 693, శ్రీకాకుళం 661, విశాఖపట్నం 540, కడప 539, విజయనగరం 505, కృష్ణాలో 232 కరోనా పాజిటివ్ కేసులు నమోదైనట్టు ప్రభుత్వం ప్రకటించింది.