తెలంగాణ రాష్ట్రంలో మళ్లీ కరోనా కేసులు విస్తరిస్తున్నాయి. లాక్ డౌన్ సడలింపు ముందుకు వరకు కాస్త తగ్గుముఖం పట్టిన కేసులు..ఇప్పుడు ఓ రేంజ్ లో పెరిగిపోతున్నాయి. తెలంగాణ లో నిన్న ఒక్క రోజే 41 కొత్త కరోనా పాజిటివ్ కేసులు నమోదయ్యాయి.
41 కొత్త కేసులతో కలిపి మొత్తం 1854కి చేరింది. ఈరోజు 24 మంది డిశ్చార్జ్ కాగా, నలుగురు మృతి చెందారు. అయితే, నమోదైన 41 కేసుల్లో జీహెచ్ఎంసి పరిధిలో 11, రంగారెడ్డిలో 1, వలస కార్మికులు 11, విదేశాల నుంచి వచ్చిన వాళ్ళు 6 మంది ఉన్నారు.
ఆదివారం నుంచి సోమవారం ఉదయం వరకు గడచిన 24 గంటల్లో దేశవ్యాప్తంగా 6,566 కొత్త కేసులు నమోదయ్యాయి. గంటలకు సగటును 282 కేసులు నిర్ధారణ అవుతున్నాయి. పాజిటివ్ కేసుల వరుసగా నాలుగు రోజు 6వేలు దాటడం గమనార్హం. దేశవ్యాప్తంగా కరోనాతో మరో 153 మంది ప్రాణాలు కోల్పోయారు. దీంతో దేశంలో కోవిడ్-19 మరణాలు 4,053కి చేరాయి. మొత్తం పాజిటివ్ కేసుల సంఖ్య 138,536 చేరగా.. వీరిలో ఇప్పటి వరకూ 57,692 మంది కోలుకున్నారు. మరో 76,811 మందికి చికిత్స పొందుతున్నారు.