తెలంగాణ కాంగ్రెస్ సీనియర్ నేత వి.హనుమంతరావు (వీహెచ్) కరోనా బారిన పడ్డాడు. కొద్ది రోజులుగా ఆరోగ్యం బాగా లేకపోవడంతో ఆయన్ను కుటుంబ సభ్యులు అపోలో ఆస్పత్రిలో చేర్చారు. ఈ నేపథ్యంలో ఆయన రక్త నమూనాను పరిశీలించగా ఆయనకు కరోనా సోకినట్లు డాక్టర్స్ తెలిపారు.
ప్రస్తుతం వీహెచ్ అపోలో ఆస్పత్రిలోనే చికిత్స పొందుతున్నారు. అంతేకాక, కాంగ్రెస్ పార్టీకి చెందిన మరో నేత గూడూరు నారాయణ రెడ్డికి కరోనా పాజిటివ్ వచ్చిన విషయం తెలిసిందే. అధికార పార్టీలో అయితే ముగ్గురు ఎమ్మెల్యేలు, బీజేపీ మాజీ ఎమ్మెల్యే చింతల రామచంద్రారెడ్డి కరోనా బారిన పడ్డారు. ఇటు మంత్రి ప్రజా ప్రతినిధుల అనుచరులు సైతం కరోనా బారిన పడుతుండడంతో వారిలో ఆందోళన నెలకొంది.