మిజోరాంలో కాంగ్రెస్ మళ్లీ అధికారాన్ని చేజిక్కించుకుంది. మొత్తం 40 అసెంబ్లీ స్థానాలకు జరిగిన ఎన్నికల్లో సగానికి పైగా సీట్లు దక్కించుకుంది. ప్రస్తుతం 23 చోట్ల విజయ ఢంకా మోగించి ఇంకా కొన్నిచోట్ల ఆధిక్యంలో కొనసాగుతోంది. దాంతో, ఇక్కడ మరోసారి కాంగ్రెసే ప్రభుత్వాన్ని ఏర్పాటు చేయబోతోంది. ఇక మిజోరాంలో కాంగ్రెస్ విజయం పట్ల ఆ రాష్ట్ర ముఖ్యమంత్రి లాల్ తన్ వాలా హర్షం వ్యక్తం చేశారు. తమ పాలనపై ప్రజలకు నమ్మకం వుంది గనుకే మరోమారు గెలిపించారని అన్నారు.
ఇక ఐదు రాష్ట్రాల అసెంబ్లీలకు జరిగిన ఎన్నికల్లో నాలుగు చోట్ల ఘోర పరాభవాన్ని చవిచూసిన కాంగ్రెస్ కు మిజోరాం విజయం స్వల్ప ఊరట నిచ్చిందనే చెప్పాలి.
