ముఖ్యమంత్రి కేసిఆర్ ఈరోజు రాజన్న సిరిసిల్ల జిల్లాలో పర్యటిస్తారు. ఉదయం తంగళ్లపల్లి మండలం మండెపల్లి దగ్గర డబుల్ బెడ్ రూం ఇళ్లతోపాటు.. అంతర్జాతీయ డ్రైవింగ్ స్కూల్ ను ప్రారంభిస్తారు. అక్కడినుంచి సిరిసిల్లకు వచ్చి అక్కడ నర్సింగ్ కళాశాల భవనాన్ని ప్రారంభిస్తారు. సర్ధాపూర్ లో నిర్మించిన వ్యవసాయ మార్కెట్ యార్డ్ కు కూడా ప్రారంభోత్సవం చేస్తారు. అనంతరం ఇంటిగ్రేటెడ్ డిస్ట్రిక్ట్ ఆఫీసర్స్ కాంప్లెక్స్ భవనం ప్రారంభిస్తారు. ఆ తర్వాత అధికారులతో సమావేశమవుతారు. సాయంత్రం హైదరాబాద్ కు తిరుగు ప్రయాణమవుతారు.
