ఆంధ్రప్రదేశ్ ముఖ్యమంత్రి జగన్ మోహన్ రెడ్డి పుట్టిన రోజు ఈరోజు. ఈ సందర్భాంగా పార్టీ నేతలు , కార్య కర్తలు అభిమానులే కాదు సినీ ప్రముఖులు సైతం ఆయనకు బెస్ట్ విషెష్ ను అందజేస్తున్నారు. ఈ క్రమంలో మెగాస్టార్ చిరంజీవి..జగన్ కు ప్రత్యేక విషెష్ అందజేశారు.
‘డైనమిక్ యంగ్‌ లీడర్‌ వైఎస్‌ జగన్‌కు పుట్టినరోజు శుభాకాంక్షలు. లక్ష్యాలను చేధించడంలో మీ పట్టుదల, సంకల్పం నిజంగా ప్రశంసనీయం’ అంటూ పేర్కొన్నారు. అలాగే ఆంధ్రప్రదేశ్ ప్రతిపక్షనేత, టీడీపీ అధినేత నారా చంద్రబాబు నాయుడు సీఎం జగన్‌కు బర్త్‌డే విషెస్‌ తెలియజేశారు. ఈ మేరకు ట్విటర్‌లో స్పందించిన ఆయన.. ‘వైఎస్‌ జగన్ గారికి పుట్టినరోజు శుభాకాంక్షలు. ఎల్లప్పుడూ సంతోషంగా, ఆరోగ్యంగా జీవించాలని కోరుకుంటున్నాను’ అని ట్వీట్‌ చేశారు.
