తెలంగాణ టైగర్ సీఎం కేసీఆర్ పుట్టిన రోజు ఈరోజు. ఈ సందర్భాంగా ఆయనకు పెద్ద ఎత్తున రాజకీయ , సినీ , క్రీడా రంగాల వారు పుట్టిన రోజు శుభాకాంక్షలు అందజేస్తున్నారు. ఈ క్రమంలో సినీ న‌టులు చిరంజీవి, మహేశ్‌బాబు జ‌న్మ‌దిన శుభాకాంక్షలు తెలుపుతూ ట్వీట్ చేశారు. మీ నాయ‌క‌త్వంలో రాష్ర్టం పురోగ‌తి సాధించాల‌ని ఆకాంక్షిస్తున్నాను. ఆయురారోగ్యాల‌తో, సంతోషంగా ఉండాల‌ని కోరుకుంటున్న‌ట్టు మ‌హేశ్ బాబు ట్వీట్ చేశారు.
కేసీఆర్ పుట్టిన రోజు సందర్భంగా గ్రీన్ ఇండియా ఛాలెంజ్‌లో భాగంగా చేపట్టిన “కోటి వృక్షార్చన” కార్యక్రమం రాష్ట్రవ్యాప్తంగా విజ‌య‌వంత‌మైంది. ఈ కార్య‌క్ర‌మంలో భాగంగా రాజ్యసభ సభ్యులు జోగినిపల్లి సంతోష్ కుమార్ ప్రార్ధన మేరకు ముఖ్యమంత్రి కేసీఆర్ స్వయంగా “కోటి వృక్షార్చన”లో పాల్గొని రుద్రాక్ష మొక్కను నాటారు. తన పుట్టిన రోజు సందర్భంగా చేపట్టిన “కోటి వృక్షార్చన” పట్ల సంతోషం వ్యక్తం చేశారు.