ఏపీలో నిర్మాణం జరుగుతున్న పోలవరం ప్రాజెక్ట్‌కు తెలంగాణ సీఎం అయిన కేసీఆర్‌కు సంబంధం ఏంటీ? అసలు పోలవరం ప్రాజెక్ట్‌లో కేసీఆర్‌ జోక్యం ఏంటీ అంటూ బాబు ప్రశ్నించాడు. కేసీఆర్‌తో లాలూచి పడి జగన్‌ ఏపీ ప్రజల భవిష్యత్తును నాశనం చేస్తున్నాడు. జగన్‌ ప్రస్తుతం తెలంగాణతో గొడవ పడనక్కర్లేదు, స్నేహం అక్కర్లేదు. ఏపీలో మిగులు జలాలను సరిగ్గా వినియోగించుకుంటే పుష్కలంగా రైతులకు నీళ్లు అందించవచ్చు అంటూ చంద్రబాబు నాయుడు అన్నారు. కేసీఆర్‌ పోలవరం విషయంలో జోక్యం చేసుకుంటే పరిణామాలు సీరియస్‌గా ఉంటాయంటూ హెచ్చరించాడు.