రాష్ర్ట రాజకీయాల్లోకి అనూహ్య పరిణామాల మధ్య ఎంట్రీ ఇచ్చాడు పవర్ స్టార్ పవన్ కళ్యాణ్‌. పార్టీ ఆవిర్భావ ప్రసంగంతోనే ఆకట్టుకున్న పవన్.. తనదైన శైలిలో పంచ్ డైలాగ్ లతో కాంగ్రెస్, తెరాసపై నిప్పులు చెరిగారు. ’నమో.. ’ జపంతో భాజాపా ప్రధాని అభ్యర్థి నరేంద్ర మోడీకి దగ్గరయ్యాడు. కలసి వేదికను పంచుకొన్నాడు. ఈ నేపథ్యంలోనే.. తెరాస అధినేత కేసీఆర్ ని టార్గెట్ చేశాడు. ఎంతగా అంటే… 125యేళ్ల చరిత్ర వున్న కాంగ్రెస్ కూడా ఆ రేంజ్ లో కేసీఆర్ ను అటాక్ చేయలేదు. వరంగల్ సభలో ఏకంగా కేసీఆర్.. ’నీ తాటా తీస్తా’ అని హెచ్చరించాడు. ఇప్పుడు ఈ వ్యాఖ్యలే వివాదాస్పదమైనాయి. ఈ వ్యాఖ్యలను సీరియస్‌గా తీసుకున్నన్యాయస్థానం పవన్‌పై కేసు నమోదు చేయాలంటూ పోలీసులను ఆదేశించింది. అయితే, పవన్ మాత్రం ఏమాత్రం తగ్గడం లేదు.. బంగారు తెలంగాణ కోసం జైలుకెళ్లడానికి సిద్ధమని ప్రకటించాడు. మొత్తానికి.. పవన్ పంచ్ డైలాగ్ కేసు తంటాను తెచ్చిపెట్టింది.