ఈమద్య కాలంలో బీజేపీకి చెందిన పలువురు సినీయర్‌ నేతలు మృతి చెందిన విషయం తెల్సిందే. కొన్ని రోజుల గ్యాప్‌లోనే సుష్మా స్వరాజ్‌ మరియు అరుణ్‌ జైట్లీలు మృతి చెందడంను ఆ పార్టీ సులభంగా తీసుకోలేక పోతుంది. ఈమద్య కాలంలో అనేక మంది చనిపోవడంతో పాటు ప్రస్తుతం పలువురు సీనియర్‌ నాయకులు కూడా అనారోగ్యంతో ఉండటంతో ఆ పార్టీ కార్యకర్తలు మరియు నాయకుల్లో ఆందోళన నెలకొంది. ఇలాంటి సమయంలో ఆ పార్టీకి చెందిన ఎంపీ సాద్వీ ప్రజ్ఞాసింగ్‌ సంచలన వ్యాఖ్యలు చేశారు.
గతంలో పలు వివాదాస్పద వ్యాఖ్యలను చేసి సంచలనం సృష్టించిన ప్రజ్ఞాసింగ్‌ తాజాగా మాట్లాడుతూ బీజేపీపై ప్రతిపక్ష పార్టీలు క్షుద్ర పూజలు చేయించారని, అందుకే ఇలా వరుసగా సీనియర్‌ నాయకులు చనిపోతున్నారు అంటూ తనకు ఒక ఆధ్యాత్మిక వేత్త చెప్పారంటూ సాద్వీ చేసిన వ్యాఖ్యలు సంచలనం సృష్టిస్తున్నాయి. బీజేపీపై కొందరు క్షుద్ర పూజలు చేయిస్తున్నట్లుగా గతంలోనే తెలిసిందని, కాని ఇప్పుడు ఆ విషయం నాకు నమ్మాలనిపిస్తుందని ఆమె పేర్కొంది. అయితే ఎంపీ వ్యాఖ్యలపై నెటిజన్స్‌ మండి పడుతున్నారు. కంప్యూటర్‌ యుగంలో క్షుద్ర పూజలు, చేతబడి ఏంటంటూ విమర్శిస్తున్నారు.
