ప్ర‌ధాన మంత్రి న‌రేంద్ర మోదీ ప్ర‌తిష్టాత్మ‌కంగా భావిస్తున్న డిజిట‌ల్ ఇండియా కార్య‌క్ర‌మంపై మైక్రోసాఫ్ట్ సహ వ్యవస్థాపకుడు బిల్ గేట్స్ ప్ర‌శంస‌లు గుప్పించారు. భారతదేశంలో అనేక అభివృద్ధి ప‌నులు వేగంగా జ‌రుగుతున్నాయ‌ని తెలిపారు. ప్రధాని న‌రేంద్ర మోదీ నాయకత్వం మిగతా ప్రపంచానికి ఆద‌ర్శంగా నిలిచింద‌ని అన్నారు. ప్రపంచంలో భారతదేశం అత్యంత కీల‌కంగా మారింద‌న్నారు. భారత్‌లో సౌర విద్యుత్‌ వినియోగం పెరగడం, కంపెనీలు భారీగా పెట్టుబడులు పెట్టడం వంటివి ప్రధాని మోదీ సాధించిన ఘ‌న విజ‌యాలుగా బిల్ గేట్స్ పేర్కొన్నారు.
