ఆంధ్రప్రదేశ్ రాష్ట్రంలో కరోనా విలయతాండవం కొనసాగుతూనే ఉంది. గడిచిన 24 గంటల్లో రాష్ట్రంలో కొత్తగా 9544 కొత్త కేసులు నమోదు అయ్యాయి. దీంతో ఇప్పటివరకు ఏపీలో నమోదైన కేసుల సంఖ్య 334940కు చేరింది. రాష్ట్రంలో కరోనా మరణాల ఉధృతి కూడా అదే స్థాయిలో కొనసాగుతోంది. కొత్తగా 91 మంది ఈ వైరస్ కారణంగా చనిపోయారు.
జిల్లాల వారీగా కేసులు చూస్తే.. తూర్పు గోదావరి జిల్లాలో 1312, పశ్చిమ గోదావరి 1131, చిత్తూరులో 1103, కర్నూలు 919, ప్రకాశం 797, విశాఖపట్నం 738, అనంతపురం 704, శ్రీకాకుళం 571, విజయనగరం 542, గుంటూరు 358, కడప 343, కృష్ణా జిల్లాలో 265 కొత్త కేసులు వెలుగు చూశాయి.