అసెంబ్లీ ముట్టడికి ఏపీ ఎన్జీవోలు రెడీ అవుతున్నారా.. ? లేదా రాష్ట్ర సమైక్యం కోసం మరోసారి సమ్మెకు సై అంటారా.. ? అసలు రాష్ట్రాన్ని సమైక్యంగా వుంచేందుకు గానూ సీమాంధ్ర నేతలపై ఒత్తిడి పెంచేందుకు ఉద్యోగులు అనుసరించే వ్యూహమేంటి.. ? అనేది ఆసక్తికరంగా మారింది. విభజన బిల్లు అసెంబ్లీకి వచ్చిన వెంటనే అసెంబ్లీని లక్షల మందితో ముట్టడిస్తామని ఏపీ ఎన్జీవోల అధ్యక్షుడు అశోక్ బాబు పలుమార్లు హెచ్చరించిన విషయం తెలిసిందే. టీ-బిల్లు.. తీరా అసెంబ్లీకి చేరుకోనే చేరుకుంది. మరీ.. ఇప్పుడు ఏపీ ఏన్జీవోల ఏం చేయబోతున్నారు… ? ఏ రాజకీయ నాయకుడు చేయని లెవల్ లో విభజన బిల్లుపై అశోక్ బాబు వ్యాఖ్యలు చేశారు. తీరా.. బిల్లు అసెంబ్లీకి వచ్చినా.. ఇప్పటి వరకు ఉద్యోగుల స్పష్టమైన కార్యాచరణను రూపొందించలేకపోయాడు.. ఈ బాబు. సమైక్యాంధ్ర స్టార్ బ్యాట్స్ మెన్ లే సలైంట్ గా సైడ్ అయిపోతున్న సమయంలో.. తనకెందుకు ఈ తలనొప్పి అని అశోక్ బాబు ఏమైనా.. భావించి వుంటాడా.. ? లేదా.. హెచ్చరికలను నిజం చేస్తూ.. అసెంబ్లీని ముట్టడిస్తారా.. ? అనేది ఇపుడు ఆసక్తికరంగా మారింది.
ఎవ్వరి హెచ్చరికలెలా వున్నా.. నిజమైన సమైక్యంధ్ర కోరుకునే ప్రజలు ఓ మంచి నాయకుడి కోసం ఎదురు చూస్తున్నట్లుగా కనిపిస్తోంది. ఊరికనే హెచ్చరికలు చేయకుండా.. వ్యూహాత్మకంగా వ్యవహరించి.. రాష్ట్ర సమైక్యత కోసం పాటుపాడే నిజమైన ఉద్యమ నేత కోసం అన్వేషణలో వున్నారు సీమాంధ్ర ప్రజలు. మరీ.. అది ఎవరు కానున్నారు అన్నది వేచి చూడాలి.
