ఆంధ్రప్రదేశ్ రాష్ట్రంలో కరోనా కేసులు క్రమంగా తగ్గుముఖం పడుతున్నాయి. గడిచిన 24 గంటల్లో ఏపీలో 6923 కొత్త కేసులు నమోదయ్యాయి. దీంతో ఏపీలో ఇప్పటి వరకు నమోదైన మొత్తం కరోనా కేసుల సంఖ్య 6,75,674కి చేరాయి. ఇక రాష్ట్రంలో మరణాల విషయానికి వస్తే..గడిచిన 24 గంటల్లో ఏపీలో కరోనాతో 46 మంది ప్రాణాలు కోల్పోయారు. దీంతో ఇప్పటి వరకు నమోదైన మొత్తం మరణాల సంఖ్య 5708కి చేరింది.
ఇక జిల్లావారీగా చూస్తే..అనంతపూర్ లో 480, చిత్తూరులో 577, తూర్పు గోదావరి జిల్లాలో 1006, గుంటూరులో 535, కడపలో 472, కర్నూలులో 229, కృష్ణా జిల్లాలో 333, నెల్లూరులో 506, ప్రకాశంలో 659, శ్రీకాకుళంలో 503, విశాఖపట్నంలో 318, విజయనగరంలో 376, పశ్చిమ గోదావరిలో 929 కేసులు నమోదయ్యాయి.