ఆంధ్రప్రదేశ్ రాష్ట్రంలో కరోనా ఉదృతి తగ్గుతుంది. గురువారం విడుదల చేసిన బులిటెన్‌ ప్రకారం.. గత 24 గంటల్లో 88,778 శాంపిల్స్ పరీక్షించగా మరో 2905 పాజిటివ్ కేసులు నమోదయ్యాయి. రాష్ట్రవ్యాప్తంగా మొత్తం కరోనా వైరస్ కేసుల సంఖ్య 8,17,679కు చేరింది. గడచిన 24 గంటల్లో 16మంది చనిపోయారు. దీంతో మొత్తం మరణాల సంఖ్య 6659కి చేరింది. గత 24 గంటల్లో 3,243మంది కోలుకున్నారని ఆరోగ్య శాఖ తెలిపింది.
జిల్లాల వారీగా నమోదైన కరోనా కేసులు ఇలా ఉన్నాయి.. అనంతపురం 221, చిత్తూరు 259, తూర్పుగోదావరి 414, గుంటూరు 359, కడప 191, కృష్ణా 361, కర్నూలు 25, నెల్లూరు 96, ప్రకాశం 206, శ్రీకాకుళం 90, విశాఖపట్నం 119, విజయనగరం 70, పశ్చిమ గోదావరి 494 పాజిటివ్ కేసులు బయటపడ్డాయి.
