ఏపీలో మళ్లీ భారీగా పెరిగిన కరోనా కేసులు

ఆంధ్రప్రదేశ్ రాష్ట్రంలో మరోసారి భారీగా కరోనా కేసులు పెరిగి ప్రజలను భయాందోళనకు గురిచేశాయి. గడిచిన 24 గంటల్లో రాష్ట్రంలో కొత్తగా 685 కరోనా కేసులు నమోదయ్యాయి. దీంతో ఇప్పటి వరకు నమోదైన మొత్తం కరోనా కేసుల సంఖ్య 8,68,749 కి చేరింది. ఇందులో 8,54,326 మంది ఇప్పటికే డిశ్చార్జ్ కాగా, 7,427 కేసులు ఇంకా యాక్టివ్ గా ఉన్నాయి.

ఇక గడిచిన 24 గంటల్లో రాష్ట్రంలో కరోనాతో 4 మంది మృతి చెందారు. దీంతో ఏపీలో ఇప్పటి వరకు కరోనాతో మృతి చెందిన వారి సంఖ్య 6,996 కి చేరింది. ఇక జిల్లా వారీగా కేసులు చూస్తే..అనంతపురంలో 18, చిత్తూరులో 95, తూర్పుగోదావరి జిల్లాలో 70, గుంటూరులో 87, కడపలో 30, కృష్ణాలో 146, కర్నూలులో 10, నెల్లూరులో39, ప్రకాశంలో 30, శ్రీకాకుళంలో 3, విశాఖపట్నంలో 71, విజయనగరంలో 9, పశ్చిమ గోదావరిలో 77 కేసులు నమోదయ్యాయి.