ఆంధ్రప్రదేశ్ రాష్ట్ర కరోనా కేసుల సంఖ్య 17 వేలకు చేరువలో ఉన్నాయి. గడిచిన 24 గంటల్లో రాష్ట్రంలో 837 కరోనా పాజిటివ్ కేసులు నమోదయ్యాయి. కాగా, ఇందులో రాష్ట్రంలో ఉన్నవారికి 789 మందికి కరోనా సోకగా, మిగతా 48 కేసులు ఇతర రాష్ట్రాలు, విదేశాల నుంచి వచ్చిన వారిలో నిర్ధారించారు. తాజా కేసులతో కలిపితే ఏపీలో కరోనా కేసులు 16,934కు చేరుకున్నాయి. ఇక కరోనా మరణాలు చూస్తే ఇప్పటివరకు 200 దాటిపోయాయి.
ఏపీలో గడిచిన 24 గంటల్లో 38,898 శాంపిల్స్ పరీక్షించగా మొత్తం 837 మందికి కోవిడ్౧౯ పాజిటివ్‌గా నిర్ధారించారు. అదే సమయంలో 258 మంది కరోనా బారి నుంచి కోలుకున్నారు. తాజాగా కర్నూలు జిల్లాలో నలుగురు, చిత్తూరులో ఇద్దరు, కృష్ణా జిల్లాలో ఒక్కరు, తూర్పు గోదావరి జిల్లాలో ఒక్కరు చొప్పున కరోనాతో చనిపోయారు.
